super.kg logo

ЖЫЛНААМА, 25-АВГУСТ: Жеймс Бонддун образы аркылуу атактуу болгон актёр Шон Коннери 86 жашка толду

 
Шон Коннеринин бала чагы
Өспүрүм Шон Коннери
Кыздардын жүрөк оорусуна айланган Шон Коннери
Кыздардын жүрөк оорусуна айланган Шон Коннери
2013-жыл. Шон Коннери

Мындан 86 жыл мурун британиялык жана америкалык актёр Шон Коннери Шотландиянын Эдинбург шаарында туулган. "Оскар" сыйлыгынын лауреаты, "BAFTA" сыйлыгынын эки жолку ээси, "Алтын глобус" сыйлыгынын үч жолку лауреаты Шон Коннери 70тен ашуун тасмада роль жараткан.

Шон Коннери Бондиананын алгачкы тасмасы болгон “Доктор Но” тасмасында Бонддун ролуна тандалып алынган. Бонддун ролу ага даңк, байлык эле эмес, чыгармачылык түйшүк да тартуулаган. “Эң мыкты Бонд ким?” деген сурамжылоо жүргүзүлгөндө ар жылы биринчиликтен Шон Коннери түшпөй келген.

Келишимдүү, ар дайым спорт менен машыгып, чың ден соолукта жүргөн актёр эч качан "ооруп жатам" деп даттанган эмес. Бирок 2000-жылдары Коннери тартуу аянтчасында көп жүргөндүктөн чарчаганын айтып баштаган. "Актёр рак менен ооруйт, Лондондогу онкологиялык ооруканада дарыланат" деген сөздөр айтыла баштаган. Жадакалса Япония, Түштүк Африканын бир нече басылмалары "Шон Коннери каза болду" деп жазып чыгышкан. Андыктан актёр түз эфир аркылуу көпчүлүккө кайрылып, тирүү экенин айтууга аргасыз болгон.

2009-жылы басылмалардын бирине берген маегинде актёр жүрөк оорусуна байланыштуу көйгөйлөрү бар экенин айткан. Бирок кандай оору экенин так айтпай, оору олуттуу экенин билдирген. 2013-жылы чет элдик басылмаларда акыркы ирет жарыяланган сүрөтүнөн актёрдун карылыкка баш ийгенин байкоого болот.

25-августтун жылнаамасы.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(2)
25.08.2016. 12:26 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+1
Таланттуу актёр. Кинолору да мыкты тартылган.
Агент 007.
25.08.2016. 13:38 
Тайпасы:
Комментарийлердин саны:
Катталган:
01-01-1970
Соӊку аракети:
01-01-1970 00:00
Жынысы:
Белгисиз
+1
Азамат сыйлыктары коп экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: