Өмүрбек Текебаев: "Конституцияны өзгөртүүгө мыйзам жол бербейт"

"Конституцияны өзгөртүүгө мыйзам жол бербейт". Мындай пикирин Жогорку Кеңештеги "Ата Мекен" фракциясынын лидери Өмүрбек Текебаев 25-августта Бишкекте өтүп жаткан "Биримдик жана туруктуулук үчүн" форумунда билдирди.

"Мыйзамдарды референдумга чыгарса болот, бирок референдумду өткөрүүнүн тартиби жана референдумга чыгарылчу мыйзамдардын тизмеси конституциялык мыйзам менен аныкталат. Конституциянын кээ бир нормалары түз иштейт, бирок Конституцияны өзгөртүү боюнча түз иштебейт. Ошондуктан референдумду өткөрүүнүн тартибин аныктаган жаңы конституциялык мыйзам керек. Фарид Ниязов (президенттик аппараттын башчысы - ред.) "Референдум жөнүндө" мыйзам кабыл алынмайынча референдум өткөрө албайт. Конституция буга чек койгон", - деди Текебаев.