Чемпиондор Лигасы. "Бавария" менен "Атлетиконун", "Барселона" менен "Манчестер Ситинин" футболчулары тайпада бет келишет

25-августта Францияда ири футболдук мелдеш - Чемпиондор Лигасынын 2016-2017-жылкы сезонунда ойной турган 32 команда 8 тайпага бөлүштүрүлдү. Чүчү кулактын негизинде Европанын мыкты командалары атаандаштарын "табышты".

Тайпада командалар ар бир атаандашы менен экиден ойноп чыгышат. Упайлардын көрсөткүчү боюнча алдынкы эки орунду ээлеген командалар кийинки баскычка чыгышат. 3-орун ээлери Европа Лигасынын плей-офф баскычына жолдомо алышса, 4-орунду ээлеген командалар турнирден четтетилишет. Мелдешке сентябрь айында старт берилет.

Командалар төмөнкүдөй тартипте тайпаларга бөлүндү:

"А" тайпасы: ПСЖ (Франция), "Арсенал" (Англия), "Базель" (Швейцария), "Лудогорец" (Болгария).

"B" тайпасы: "Бенфика" (Португалия), "Наполи" (Италия), "Динамо" (Украина), "Бешикташ" (Түркия).

"C" тайпасы: "Барселона" (Испания), "Манчестер Сити" (Англия), "Боруссия" (М, Германия), "Селтик" (Шотландия).

"D" тайпасы: "Бавария" (Германия), "Атлетико" (Испания), ПСВ (Голландия), "Ростов" (Орусия) .

"E" тайпасы: ЦСКА (Орусия), Байер (Германия), "Тоттенхэм" (Англия), "Монако" (Франция).

"F" тайпасы: "Реал" (Мадрид, Испания), "Боруссия" (Д, Германия), "Спортинг" (Португалия), "Легия" (Польша).

"G" тайпасы: "Лестер Сити" (Англия), "Порту" (Португалия), "Брюгге" (Бельгия), "Копенгаген" (Дания).

"H" тайпасы: "Ювентус" (Турин, Италия), "Севилья" (Испания), "Лион" (Франция), "Динамо" (Загреб, Хорватия).