Супер-Инфо
super.kg видео
ЭЛДИК КАБАР: Нарын районунда жергиликтүү эл митингге чыгып, алтын казган компаниянын ишин кайрадан токтотту (фото)
Нарын районуна караштуу Миң-Булак айылынын эли митингге чыгып, Байболот жайлоосундагы алтын казган компаниянын техникаларын айылга ташытып келип, компаниянын ишин кайрадан токтотту. Буга чейин да элдин нааразычылыгынан улам компания ишин токтотуп, бирок кайрадан түн ичинде иштеп келгенин окурман SUPER.KG порталына WhatsApp аркылуу 26-августта билдирди.
"15 күндөн бери түн ичинде иштеп, карагайларды кыйып, агып жаткан сууну бөгөп, жерлерди казып салышыптыр. Жергиликтүү бийлик мыйзамсыз ишине каршы тура албагандыктан, эл чогулуп барып, техникаларын айылга алып келип коюшту", - деди окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
1 |