ЖЫЛНААМА: Ырчы Темир Назаров 30 жашын белгилөөдө

Кыргыз эстрадасындагы жаңы толкунду баштоочулардын бири, “Супер-Инфонун” тандоосу боюнча “2005-жылдын мыкты ырчы мырзасы” наамын алган Темир Назаров бүгүн, 28-августта өзүнүн 30 жашын белгилеп жатат. Туулган күнү менен куттуктап байланышка чыкканыбызда, бүгүнкү туулган күнүн үйүндө туугандарынын, жакындарынын жана сахналаш досторунун курчоосунда тосорун билдирди.

"Туулган күнүмдүн алгачкы мүнөттөрүн жашоо-тиричиликке байланыштуу Жалал-Абадда тойдо сахналаш достор менен тостум. Бул көнүмүш адат. Алгачкылардан болуп келинчегим куттуктады. Азыр Ошто үйүмдө конок тосууга даярданып жатабыз. Туугандарым, жакындарым жана досторум келишет", - дейт ырчы.

Бүгүнкү күндүн эң жагымдуу учуру тууралуу төмөнкүлөргө токтолду:

"Бүгүн көп эле жагымдуу учурлар болуп жатат. Мен, орустар айтмакчы, жөнөкөй нерселерге кубанып жашайм. Мага көп нерсенин, мени таң калтырыштын, шоунун кереги жок. Себеби мен таңдын атканына, күндүн батканына сүйүнүп жашайм".

28-августтун жылнаамасы.