Каракол шаарындагы баш аламандык боюнча кармалган журналисттин иши сотко өттү

Каракол шаарындагы баш аламандык боюнча кармалган журналист Кенжебек Жумабаевдин иши сотко өттү. Бул тууралуу бүгүн, 29-августта журналисттин жактоочусу билдирди.

Жактоочунун айтымында, ишти Бишкек шаарынын Биринчи Май райондук соту карайт. Азырынча биринчи сот отурумунун качан болору белгисиз.

Айта кетсек, 2013-жылдын 7-октябрында Каракол шаарында баш аламандык орун алып, анда ошол учурдагы өкмөттүн Ысык-Көл облусундагы өкүлү Эмилбек Каптагаев барымтага алынган. Мунун негизинде “барымтага кармоо”, “массалык баш аламандык”, “мамлекеттик кызматкердин өмүрүнө кол салуу” беренелери боюнча кылмыш иши козголгон.