Ош шаарында "Улуу Жибек жолундагы интеллектуалдардын баарлашуусу" Эл аралык форумуна даярдык көрүлүүдө

Ош шаарында "Улуу Жибек жолундагы интеллектуалдардын баарлашуусу" Эл аралык форумуна даярдык көрүлүүдө. Бул тууралуу бүгүн, 30-августта Ош мамлекеттик университетинин басма сөз кызматынан билдиришти.

Маалыматка ылайык, иш-чарага 20дан ашуун өлкөлөрдөн дүйнөлүк деңгээлдеги жазуучу, акын, сүрөтчү, саясатчы, драматург, философ жана маданият тармагындагы чыгармачыл инсандар келип катышат.

"Форумдун жүрүшү 3 күнгө созулуп, маданий программалардын коштоосунда өткөрүлөт. Аталган
иш-чарага даярдыктын жүрүшүн Тарых жана маданият жылын өткөрүү боюнча дирекциянын төрагасы Султан Раев баштаган делегация карап чыкты", - деп билдирди басма сөз кызматы.

Белгилей кетсек, үстүбүздөгү жылдын 14-16-сентябрь күндөрү Ош шаарында "Улуу Жибек жолундагы интеллектуалдардын баарлашуусу" форуму өткөрүлөт.