Зимбабве президенти Олимпиада оюндарына катышып ийгилик жарата албаган спортчуларды камоону буйруду

Зимбабве президенти Олимпиада оюндарына катышып ийгилик жарата албаган спортчуларды камоону буйруду. Бул тууралуу чет элдик маалымат булактары жазып чыгышты.

Маалыматка ылайык, Бразилиянын Рио-де-Жанейро шаарында өткөн Жайкы Олимпиада оюндарына Зимбабве өлкөсүнөн 31 спортчу түрдүү спорт түрлөрү боюнча катышууга барган. Президент Роберт Мугабе өлкөнүн Олимпиада оюндарына катышкан спортчулардын учагы конору менен аларды камакка алууну буйруган.

Белгилүү болгондой, аталган өлкөнүн спортчулары алдынкы орундарга жетип медаль алуу мүмкүнчүлүгүнө ээ боло алган эмес. Зимбабвелик спортчулардын бири Олимпиада оюндарында 8-орунду камсыздаган.

Президент өз сөзүндө: "Биз бул спортчу аталган келемиштерге мамлекеттин эсебинен акча короттук. Эгер силер жок дегенде жез жана латунь медалдары (4-5-орундар) үчүн курмандыкка даяр эмес болсоңор, демек, Ботсванадагы биздин коңшулар сыяктуу силер биздин акчаны жөн эле кетирдиңер. Эгер жөн гана Бразилияга учуп барып, гимнди ырдап, тууну көтөргөнгө барчу адамдар керек болсо, анда биз Зимбабве университетинен татынакай кыздар-балдардан кимдир бирөөлөрдү жибермекпиз", - деп айткан.