Бишкек шаарында суу өтүүчү арыктардын 70 пайызы тазаланды

"Бишкек шаарындагы суу өтүүчү арыктардын 70 пайызы тазаланды, иретке келтирилген арыктардын жалпы узундугу 285 чакырымды түзөт". Мындай маалыматты бүгүн, 12-апрелде мэриянын басма сөз кызматы кабарлады. Бишкектеги бардык суу арыктарынын жалпы узундугу 408,9 чакырымды түзөт. Ал эми сугат суу түтүктөрү 64,5 чакырым, магистралдык каналдар 42,5 чакырым жана коллектордук-дренаждык тармактар 42,5 чакырымды түзөт. Ошондой эле борбор калаадагы “Жеңиш” сейил багында көчөттөрдү сугаруу иштери башталганы белгилүү болду. Айта кетсек, борбор шаарда арыктарды тазалоо иштери 2013-жылдын 13-февралынан башталган.