Кыргыз жерине дүйнөнүн атактуу актёру Стивен Сигал келди

Кыргыз жерине дүйнөнүн атактуу актёру Стивен Сигал келгендигин "Манас" аэропортунан билдиришти. "Менин оюмча, көчмөндөрдүн маданияты өтө маанилүү. Менин ата-бабаларым да көчмөн болгон. Ошондуктан Көчмөндөр оюндарына келүүнү чечтим. Эң башкысы, өлкө башчысынын чакыруусунан баш тарта алган жокмун", - деди актёр. Сигал өлкө президенти менен кезигүүнү чыдамсыздык менен күтүп жатканын жашырган жок. "Мен президенттен сырткары Asian World Film Festival кинофестивалынын негиздөөчүсү, жакын санаалашым Садык Шер-Нияз менен жолугуп, Кыргыз Республикасындагы кино индустриясы тууралуу сүйлөшкүм келет", - деди Сигал.

Ал II Дүйнөлүк көчмөндөр оюндарынын ачылыш салтанатына катышат. II Дүйнөлүк көчмөндөр оюндары Ысык-Көл облусунда 2016-жылдын 3-8-сентябрында өтөт.