Ош. Ноокатта ооруканалар аралык тажрыйба алмашуу болуп өттү

Ноокат райондук ооруканасында көчмө семинар болуп өттү. Семинарга Саламаттыкты сактоо министри  Д.Сагымбаева, Ош облусундагы Өкмөттүн ыйгарым укуктуу өкүлү С.Жээнбеков, район акими З.Аскаров, облустук жана райондук ооруканалардын башчылары, Жалал-Абад, Баткен облустарынын медицина тармагынын өкүлдөрү катышышты. "Семинар Ноокат районунун ооруканасынын материалдык базасынын жетишкендиктери менен таанышуу жана ооруканалар аралык тажрыйба алмашуу максатында болду",- деп маалымдады КРнын  Өкмөтүнүн Ош облусу боюнча өкүлчүлүгүнүн басма сөз катчысы Шайлообек Козубаев.