Сочи шаарында "Жаңы толкун" сынагы старт алды

Бүгүн, 4-сентябрга караган түнү Орусиянын Сочи шаарында 15-Эл аралык "Жаңы толкун" музыкалык сынагы старт алды. Салтанаттуу аземге Орусиянын популярдуу ырчылары Полина Гагарина, Алсу, Сергей Лазарев, Кети Топурия, композитор Игорь Крутой жана башкалар катышканы маалым болду. Ошондой эле ачылышка кадырлуу конок катары чет элдик белгилүү ырчылар Рики Мартин, Стинг, Лара Фабиан чакырылган.

Белгилей кетсек, аталган сынакта Кыргыз өлкөсүнүн намысын жаш ырчы Нурсултан Азыкбаев коргойт. Сынакта ар өлкөдөн келген 16 катышуучу өнөрүн көрсөтүп, биринчилик үчүн ат салышат. 8-сентябрда катышуучулар үчүн музыкалык сынак аяктайт. Ал эми көрүүчүлөрдүн добуш берүүсү 9-сентябрда токтотулат, андан соң жыйынтыктоочу концерт уюштурулуп, жеңүүчү аныкталат.