СУПЕРСТАН: "Мектепте биз жаттаган ырлар..."

SUPER.KG порталынын "Суперстан" бөлүмүндө "Мектепте биз жаттаган ырлар" деген тема талкууга алынууда.

Теманы ачкан колдонуучунун билдирүүсү:

"Кимдин эсинде кайсы ыр бар? Мен убагында бардык ырларды жаттап барчумун. Азыр эсимде бирөө эле калыптыр:

Ысык-Көл кээде тынч да, кээде толкун,
Толкуса толкунуна тең ортокмун.
Турмушта канча жолдош күтсөм дагы,
Бир сырдуу сендей жолдош күткөн жокмун.

Орус адабиятынан: "Я памятник себе воздвиг нерукотворный..." Калганын унутуп калдым. Кээ бир адамдар ошол кезде, ал тургай бала бакчада жаттаган ырларынан бери эстеп жүрүшөт экен. Мен Алиппе майрамында кайсы тамга болуп, кандай ыр жаттаганым эсте жок".

Ачылган темага калтырылган билдирүүлөр:

"Эске бир окуя түштү. Биздин класста начар окуган бир бала бар эле. Аны эжекебиз аябай намыстанткан го, бир күнү эле А.Осмоновдун "Бүкөнтай" деген ырын жаттап келиптир. Мындай болсо керек эле: "Бүкөнтай мурду бучук, үч жашар кыз..." Анан ошол ырды жаттап келген бала Бүкөнтай деген атка конгон. Өзүнүн аты Бообек болчу".

"Ыр десеңиз 3-классымда жаттаган ырым эске түшүп кетти. Орус адабиятынан, А.Пушкиндин "Руслан жана Людмиласынан":

У лукоморья дуб зелёный,
Златая цепь на дубе том.
И днём, и ночью кот учёный,
Все ходит по цепи кругом...

"Белая берёза" деген ырдын биринчи сабы менин да эсимде бар экен. Эжекебиз ушундай бир кумардануу менен окуп берчү эле".

"От улыбки хмурый день светлей" деген ырды музыкадан берген эжейибиз бизди уруп жүрүп жаттаткан эле. Ошондуктан болсо керек, эч эсимден чыкпайт. Пушкиндин ырларын, Татьянанын катын жаттагам, ошолор дагы деле эсимде экен. Татьянанын акыркы катында "Я его жена и буду век ему верна" деген жери мага абдан жагат, дайым айта берем".

"А.С.Пушкиндин "Зимний вечер", "Зимняя дорога" деген ырлары эсимде. А.Осмоновдун "Неге кечигет?", "Бүкөн", "Ата Журт", "Отуз жаш", "Музыка", "Бөбөккө" аттуу ырлары эсиме келет.

Мен өзүмдү үй сыртынан карасам,
Курс-курс эткен оор жөтөл үн чыгат.
Бүткөн экен кайран өмүр, кайран жан,
Деп жалооруп көңүлүм ошондо бир сынат.

Ушул ырынын аталышы эсимден чыгып жатат. Алиппе майрамында "А" тамгасы болгонмун, ырым эсимде жок. Бирок Алиппе майрамындагы:

"А ю слипинг, а ю слипинг,
Бразе Жон, бразе Жон.
Монинг бе зе рининг, монинг бе зе рининг,
Динг донг динг, динг донг динг" деген ыр кечээ жаттагандай эле эсимде бар"

Талкууга кошулуп, озүӊүздүн эсиңиздеги ырлар менен бөлүшкүңүз келсе, бул жакка кириңиз.