"Атанын керээзи" тасмасы Лос-Анжелесте Азия дүйнөлүк кинофестивалында Кыргыз өлкөсүнүн атынан катышат

Режиссёрлор Бакыт Мукул менен Дастан Жапар уулунун "Атанын керээзи" көркөм тасмасы Лос-Анжелесте өтө турган Азия дүйнөлүк кинофестивалында Кыргыз өлкөсүнүн атынан катышарын тасманын продюсери Талант Толобеков билдирди.

Эскерте кетсек, аталган тасма "Алтын Зенит" сынагында башкы байгени утуп алган.

Азия тасмаларынын эл аралык фестивалы (AWFF) Азиядагы мыкты делген тасмаларды чыгыштын тасма жаратуучуларын таанытуу үчүн батышта көрсөтүп келет. Фестивалдын негизги максаты - америкалык жана азиялык киноиндустриянын байланышын бекемдөө жана кызматташуу үчүн мүмкүнчүлүк түзүү.