СУПЕРСТАН: "Айымдардын сумкасынын ичинде керектүү да, керексиз да нерселер көп"

SUPER.KG порталынын "Суперстан" бөлүмүндө "Селкилердин сумкасына саякат" деген тема талкууга алынууда.

Теманы ачкан колдонуучунун билдирүүсү:

"Ар бир аял үчүн сумка көтөрүү бүгүнкү күндө кадимки эле көрүнүштөрдүн бири. Ошол биз анча деле маани бербей, ичине керектүү майда-чүйдөлөрдү салып алып көтөрүп жүргөн сумка дагы адамдын мүнөзүнүн кандай экендигин айтып турат экен. Мисалы, испан психологдору аял кандай сумканы тандаса жана аны кандай көтөрүп жүрсө, ага карап туруп айымдардын психологиялык портретин түзсө болорун аныкташкан. Айымдардын эң жакын курбусу - анын сумкасы. Сумканын ичинде керектүү да, керексиз да нерселер көп. Психологдордун айтымында, аялзатынын кыял-жоругун билүү үчүн сумкасын карап койгонуңуз эле жетишерлик. Италиялык психологдор аялдардын сумкасына байланыштуу бир катар кызыктуу фактыларды табышкан. Маселен, коркунуч же толкундоо болгон учурда айымдар сумкасын бекем кысып алышат. Эгерде эркек кишиге сумкасынан бир нерсе алууга уруксат берсе, ал адамга берилип ишенгендигинен кабар берет. Ал эми сумкасынын өңүн, формасын өзгөртсө, демек, жашоосунда өзгөрүү болду деп биле бериңиз. Эмесе, айымдардын сумкасына "охота".

Ачылган темага калтырылган билдирүүлөр:

"Чакан сумка, кичине сумка көтөргөндөрдүн катарына кирем. Сумкамда боёнгуч жок болсо да, дайыма бир нерсе издегенде сыйпалап калам. Сумкасыз деле кете берген күндөрүм болуп калат. "Аял кишинин сумкасында иреттен башка нерсенин баары бар" деген сөздү көп колдоном. Жалтыраган буюмдарга жокмун, сумкада да бриллиант же башка аксессуарлардын болушун каалабайм".

"Мен чоӊ сумка көтөргөндөрдүн катарына кирем. Ойлоп көрсөм, эс тарткандан бери чоӊ сумкаларды гана көтөрөт экенмин. Анан ийиниме асып көтөрөм, сумкасыз эч качан көчөгө чыкпайм".

"Аялдарда эмне көп, бут кийим менен сумка көп. Чындыгында, бут кийимди да өзүнчө аксессуар катары карасак болот".

"Менин чоң дагы, кичинекей да сумкаларым бар. Чоӊ сумканы көп нерсе саларда көтөрөм. Эгер анчалык эч нерсе керек эмес болсо, кичинерээк же андан да кичинекей сумка көтөрөм. Сумкама капчыгым, документим, упа, помада баткандай болуш керек".

Талкууга кошулгуӊуз келсе, бул жакка кириңиз.