ЭЛДИК ВИДЕО: II Дүйнөлүк көчмөндөр оюндарынын жабылыш аземиндеги мыкты чыгарма

SUPER.KG порталынын "Элдик видео" бөлүмүнө "II Дүйнөлүк көчмөндөр оюндарынын жабылышындагы чыгарма" деген аталыштагы видео жүктөлдү (ник: Cinderella).

II Дүйнөлүк көчмөндөр оюндарынын жабылыш аземинде комузчу Назбек Кенчинбаев менен Нурайым Азыкбаеванын "Маш ботой" күүсүн комуз менен скрипканын коштоосунда аткарып чыкканы интернетте өтө популярдуу болууда. "Эң сонун, мыкты аткаруу, азаматтар!" деген колдонуучулар көп. Көпчүлүктүн купулуна толгон чыгарма тууралуу Нурайым Азыкбаева төмөнкүлөргө токтолду:

"Комуз менен скрипканы айкалыштырып чыгарма жаратуу Назбекке таандык. Ал 2 жылдан бери айтып, пландап жүргөн эле. Буйрук экен, Көчмөндөр оюндарына туура келди. 8 айдан бери күнү-түнү даярданып жаттык. "Маш ботой" чыгармасын жаштар эски чыгармаларды унутуп калбасын деп тандап алып, ага жаңычылдык киргизгенге аракет кылдык. Көчмөндөр оюндарын 1 миллиардга жакын адам көрдү. Кыргыз эли кандай улуу эл экенин, маданияты жогорку деңгээлде экенин биздин чыгармалар аркылуу билет эмеспи, андыктан мыкты чыгарма көрсөтүүгө аракет кылдык. "Мээнет кылсаң баары болот" дегендей, азыр чыгарма тууралуу жакшы ой-пикирлерди угуп жатабыз. Алдыда дагы кыргыз элине дем берген чыгармаларды жаратуу ниетибиз бар".

Видеону көрүү үчүн шилтеме.