Алай районунда табигый кырсыктар учурунда сактануунун жолдору үйрөтүлдү

Алай районунда табигый кырсыктар учурунда сактануунун жолдору үйрөтүлдү. Бул тууралуу бүгүн, 15-сентябрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, иш-чаранын жүрүшүндө өзгөчө кырдаалдар катталган учурларда өздөрүн туура алып жүрүү эрежелери жана өзгөчө кырдаалдардын алдын алуу жолдору боюнча маалыматтар берилди. Иш-чара Гүлчө, Корул айыл аймактарында өткөрүлгөн.

"Кооптуу аймактарда жашаган калкка табигый, техногендик өзгөчө кырдаалдар боюнча маалыматтарды түшүндүрүү, сактануу, алдын алуу боюнча түшүндүрмөлөр берилди. Элеттиктерди окутууга аймактык милиция бөлүмүнүн кызматкерлери да катышты. Кылмыштардын жана терроризмдин алдын алуу жолдору боюнча лекция түрүндө маалыматтар берилди", - деп билдирди басма сөз кызматы.