Өспүрүмдөр арасындагы Азия чемпиондугу-2016: Футболчуларыбыз Австралияны утуп, 3 упай алышты (фото)

Бүгүн, 16-сентябрда футбол боюнча өспүрүмдөр арасындагы Азия чемпиондугунда өспүрүмдөр курамасы алгачкы беттешин өткөрдү. Футболчуларыбыздын 1-турдагы атаандашы Австралия өспүрүмдөр курамасы болду. Беттеш 1:0 эсебинде жыйынтыкталып, футболчуларыбыз жеңишке жетишти.

76-мүнөттө атаандаштын дарбазачысы Гүлжигит Бөрүбаевге каршы орой ойноп, эреже бузду. Натыйжада беттеш калысы пенальти дайындады. Адилет Каныбек уулу 11 метрлик айып соккусун таамай тээп, жеңиш менен катар 3 упай алып келди.

Мелдештин жыйынтыгында алдынкы орундарды ээлеген 4 команда Колумбияда өтө турган Дүйнө чемпиондугуна жолдомо алат.

Өспүрүмдөр курамасынын оюндары:

16-сентябрь. 1-тур

Австралия - Кыргыз Республикасы - 0:1

Гол: Адилет Каныбек уулу (76-мүнөттө)

19-сентябрь. 2-тур

Кыргыз Республикасы - Япония

22-сентябрь. 3-тур

Вьетнам - Кыргыз Республикасы