Өзбекстанда президенттик кызматка 4 талапкер ат салышат (тизме)

Өзбекстандын президенти кызматына 4 талапкер ат салышат. Бул тууралуу өлкөнүн Борбордук шайлоо комиссиясынын басма сөз кызматы жарыялады. Талапкерлердин тизмеси төмөнкүдөй:

1) Шавкат Мирзийоев (Либерал-демократиялык партиясы);

2) Хотамжон Кетмонов (Элдик-демократиялык партиясы);

3) Сарвар Отамурадов ("Миллий тикланиш" демократиялык партиясы);

4) Наримон Умаров ("Адолат" социал-демократиялык партиясы).

Айта кетсек, 2016-жылдын 4-декабрында Өзбекстанда президенттик шайлоо өтөт. Ал эми 30-сентябрдан 20-октябрга чейин талапкерлерди каттоо жүргүзүлөт.