Өспүрүмдөр арасындагы Азия чемпиондугу-2016: Бүгүн футболчуларыбыз чемпиондукка башкы талапкер Японияга каршы турушат (анонс)

Бүгүн, 19-сентябрда футбол боюнча өспүрүмдөр арасындагы Азия чемпиондугунда өспүрүмдөр курамасы экинчи беттешин өткөрөт. "В" тайпасында 2-тур алкагында футболчуларыбыздын атаандашы мелдеште чемпиондукка башкы талапкер катары саналган Япония курамасы болмокчу. Беттешке Бишкек сааты боюнча 16:30да старт берилет.

"В" тайпасындагы абалга токтолсок, эки команда тең 1-турда жеңишке жетишип, үчтөн упайга ээ болушкан. Япониянын өспүрүм футболчулары Вьетнамды 7:0 эсебинде утушса, кыргыз футболчулары Австралияны 1:0 эсебинде утушкан.

Мелдештин жыйынтыгында алдынкы орундарды ээлеген 4 команда Дүйнө чемпиондугуна жолдомо алат.

Өспүрүмдөр курамасынын оюндары:

16-сентябрь. 1-тур

Австралия-Кыргыз Республикасы - 0:1

Гол: Адилет Каныбек уулу (76-мүнөттө)

19-сентябрь. 2-тур

Кыргыз Республикасы-Япония

22-сентябрь. 3-тур

Вьетнам-Кыргыз Республикасы