Өлкөдө малга 40 миллион сомдук эн белги сатып алуу боюнча тендер 2-октябрда жыйынтыкталат

Өлкөдө малга 40 миллион сомдук эн белги (бирка) сатып алуу боюнча тендер 2-октябрда жыйынтыкталат. Бул тууралуу бүгүн, 19-сентябрда SUPER.KG порталына Ветеринардык жана фитосанитардык инспекциянын башчысынын орун басары Ашырбай Жусупов билдирди.

"Эн белги сатып алуу боюнча тендерге өлкөдөгү 25 компания катышууда. Арасында Кытай, Түркия өлкөлөрүнүн өкүлдөрү тендерге катышууга арыз беришкен. Ал 2-октябрда жыйынтыкталат. Тендердин жыйынтыгы чыгары менен бир жума аралыгында сатып алуулар башталат", - деп билдирди Жусупов.

Маалыматка ылайык, бирка сатып алуу боюнча буга чейин өткөрүлгөн тендер жараксыз деп табылган. Белгилей кетсек, өлкө боюнча 750 миң эн белги сатылып алынмакчы. Ал эми малды идентификациялоо менен этти чет өлкөлөргө, ЕАЭБ мамлекеттерине экспорттоого жол ачылат.