Австралияны утуп кубандырган футболчуларыбыз 2-турда Японияга 8:0 эсебинде утулушту

Бүгүн, 19-сентябрда футбол боюнча өспүрүмдөр арасындагы Азия чемпиондугунун 2-тур оюндары ойнолууда. Бул турда Кыргыз Республикасынын өспүрүмдөр курамасы Японияга каршы туруп, 8:0 эсебинде утулууга мажбур болду. Атаандаштар биздин футболчулардан ылдамдыгы, топ тартып алуудагы жана топ менен жүгүрүүдөгү мыктылыгы, бири-бири менен байланыш куруудагы чеберчилиги менен айырмаланышты.

Алгачкы таймда кыргыз футболчулары коргонууда жакшы ойноп башташкан. Көп голдор футболчуларыбыз кетирген орой каталардан улам кирип жатты. Алгачкы таймда 3:0 эсебинде катталса, кийинки таймда 5 гол кирди. Япониялыктар 2 голду пенальтиден киргизишти.

"В" тайпасындагы оюндар жана жыйынтыктары:

Өспүрүмдөр курамасынын оюндары:

16-сентябрь. 1-тур

Австралия-Кыргыз Республикасы - 0:1

Гол: Адилет Каныбек уулу (76-мүнөттө)

Япония-Вьетнам - 7:0

19-сентябрь. 2-тур

Кыргыз Республикасы-Япония - 0:8

Австралия-Вьетнам - 2:3

22-сентябрь. 3-тур

Вьетнам-Кыргыз Республикасы

Япония-Австралия