Нарын дайрасына курула турган ГЭСтер боюнча элге маалымат берип туруучу кеңешме түзүлдү

13-апрель күнү Нарын шаарындагы Жаштар борборунда “Ынтымак-Келечек” аталышында жыйын болуп өттү. Жыйын аталган облустагы Кыргызстан жаштар кеңеши тарабынан уюштурулуп, анда жакынкы жылдары курула турган Жогорку Нарын ГЭСтер каскадын колдоо жана коомдук көзөмөлдөө маселеси талкууланды. Ошондой эле айрым аймактардагы кен байлыктардын тегерегинде жаралган чыр-чатактарды чечүү жолдору боюнча пикир алышуу болду. Натыйжада курула турган ГЭСтердин багыттары жана максаттары тууралуу жергиликтүү элге маалымат берип туруучу коомдук кеңешме түзүлдү.