Өмүрбек Текебаев: "Манас" аэропортунда 2005-2007-жылдары ири кыңыр иштер болгон"

"Манас" аэропортунда 2005-2007-жылдары ири кыңыр иштер болгон". Мындай пикирин "Ата Мекен" фракциясынын лидери Өмүрбек Текебаев 23-сентябрда журналисттерге билдирди.

Аэропорттун маалыматына таянсак, аэропорт уюштурулганда кыргыз тараптын акциясы 49 пайыз болсо, италиялык компаниянын акциясы 51 пайыз болгон. Кийин 2005-2007-жылдары кыргыз тараптын акциясы 31 пайызга төмөндөп кеткен, бирок аэропорттун башкармалыгы эмне себептен мындай болгонун толук жана так маалымдаган жок. "Манас" Эл аралык аэропорту" коомунун башкармалыгынын төрагасы Эмир Чукуев бул үчүн документтерди карап чыгуу керектигин билдирди. Ошондой эле фракция өкүлдөрү менен башкармалыктын өкүлдөрү бир катар сатып алуулар боюнча талашып-тартышып, жыйынтыгында депутаттар аудит жүргүзүү керектигин белгилешти.