МЕДИА-ПОРТАЛ: Ырчы Аваз Акимов Кыргыз жеринин кооз жаратылышын чагылдырган "Кыргызстаным" ырынын клибин тартуулады

"Медиа-портал" бөлүмү бүгүн, 23-сентябрда Аваз Акимовдун жаӊы "Кыргызстаным" аттуу ырына тартылган клип менен толукталды. "Быйыл Кыргыз жерин өзгөчө жакшы көрүп баштадым" деген ырчы клипти тартуу таржымалына мындайча токтолду:

"Гастролдоп жүрүп өлкөбүздүн көптөгөн аймактарында болдук, чет өлкөлөрдө концерт коюп келдик. Ошондой учурларда жерибиздин кооздугун байкайт экенсиӊ. Быйыл негедир Кыргыз жерин өзгөчө барктап, сүйүп баштадым. Андыктан патриоттук сезимди ойготкон, элге дем-күч берген "Кыргызстаным" ырын аткарып чыгууну чечтим. Мындай идея 2014-жылы жаралган, бирок эми убакыт-сааты чыкты. Клипте өлкөнүн кооз жаратылышын чагылдырууга аракет кылдык. Көп аймактарды тартууга убактыбыз жок болчу, ошон үчүн телеберүүлөрдүн уруксаты менен мекенибиз тууралуу тартылган кадрларды алып коштук. Клип кыска убакытта, ийгиликтүү тартылган клиптердин бири болду".

Аваз Акимовдун "Кыргызстаным" ырынын клибин бул жерден көрүӊүз.