Бишкек-"Манас" аэропорту жолунда айдоочу жөө адамды сүзүп, ал каза болду

Бүгүн, 27-сентябрда таңкы саат 08:20 чамасында Бишкек-"Манас" аэропорту жолунда жол кырсыгы катталып, 27 жаштагы жөө жүрүүчү каза болду. Учурда Сокулук районунун патрулдук милиция кызматкерлери жол кырсыгы орун алган аймакта абалды көзөмөлдөп турушат.

Кырсык болуп кетерин күтпөгөн айдоочу буларды айтты: "Жумушка шашып бараткам. Саатына 80 чакырым ылдамдыкта келе жаткам. Эч кандай жөө адамдар өтүүчү белги жок болчу, анткени бул аймак калктуу аймакка кирбейт. Жол четине токтогон маршруттук таксиден бир адам түшүп жолго чыга калды. Жакын аралыкта болгондуктан, унаамды токтотууга жетишпей калдым. Күнөө жөө жүрүүчүдө болуп жатат. Эми тергөөнүн адилеттүү жүрүшүн каалайм".

Кырсык болгон жерде айдоочу белгилегендей жөө адамдар өтүүчү белги коюлган эмес. Жабырлануучуну сүзүп алган унаада айдоочудан башка адам болгон эмес.