Токтогул районунда балык чарбасын өнүктүрүү өткөн жылга салыштырмалуу эки эсеге жогорулады

Токтогул районунда балык чарбасын өнүктүрүү өткөн жылга салыштырмалуу эки эсеге жогорулады. Бул тууралуу бүгүн, 29-сентябрда SUPER.KG порталына Токтогул районунун акиминин биринчи орун басары Ырысбай Сейдалиев билдирди.

"Быйыл балык чарбасын өнүктүрүүгө жеке ишкерлер менен биргеликте бир топ аракеттер көрүлдү. Райондо балык чарбасын өнүктүрүүгө 7 көлмө ачылды. Жаңы ачылган көлмөлөргө 6,5 миң майда балык, 42 миң чоң балык коё берилди. Чоң балыктар 2 айда сатууга чыгарылат. Мындан сырткары жаңы инкубациялык цех ачылды", - деди Сейдалиев.

Маалыматка ылайык, Токтогул району боюнча балык чарбасында өндүрүмдүүлүк өткөн жылга салыштырмалуу 2 эсеге жогорулаган. Негизинен балык чарбасында форель өстүрүлөт. Алдыда алтын карп, сазан, толстолоб балыктарын өстүрүү мерчемделүүдө. Учурда сазан балыгын өстүрүүгө көлмөлөр даяр.