МЕДИА-ПОРТАЛ: Эксклюзив! Тынчтыкбек Айылчиев тойдогу көрүнүштү чагылдырган "Бүгүн тойдо бийлеңиз" клибин тартуулады

Бүгүн, 30-сентябрда "Медиа-портал" бөлүмү ырчы Тынчтыкбек Айылчиевдин "Бүгүн тойдо бийлеңиз" ырынын жаңы клиби менен толукталды. Баарын бийлөөгө чакырган клипти тартуу кызыктуу болгонун айтат ырчы.

"Ырдын маанисине жараша клип тарттык. Катышуучуларга тойдо кандай бийлесеңер ошондой бийлегиле деп койдук. Кыргыздын баары эле той өткөрөт, тойго барат, андыктан ошол көрүнүштөрдү чагылдырууга аракет кылдык.

Тартуу учуру кызыктуу болду. Атайын клип үчүн деп дасторкон жасаткан элек. Биздин план боюнча бир каарман тамактарды жеп жатканын тартышыбыз керек эле. Батыраак тартып бүтөлү деп, тамактанууга да чыкпай иштеп жатканбыз. Баарыбыздын курсагыбыз ачып, тиги баланы карап турабыз. Ал болсо жыргап тамактанып жатат. Ошол эпизодду тартып алуу кызыктуу болду", - деп билдирди Т.Айылчиев.

Тынчтыкбек Айылчиевдин "Бүгүн тойдо бийлеңиз" ырынын клибин бул жерден көрүңүз.