Салык кызматы Албек Ибраимовдун аялынын фирмасы боюнча өзүнүн мурунку маалыматын четке кагууда

Мамлекеттик салык кызматы Бишкектин мэри Албек Ибраимовдун аялынын ишмердүүлүгү боюнча өзүнүн мурунку маалыматын четке кагууда. Тагыраагы, мэрдин аялы Айнура Ибраимованын "TM-ORLAN & Group" компаниясы авиацияга күйүүчү май ташуу менен алектенбей турганын билдирди. 24.kg агенттиги жазгандай, буга чейин аталган кызмат депутат Алмамбет Шыкмаматовдун суроо-талабына кайтарган жообунда мэрдин аялынын фирмасы авиация жана автоунаага керектүү күйүүчү майларды ташуу, автоунаага май куюучу жайларды (АЗС) ижарага берүү менен алектенерин ырастаган.

Мамлекеттик салык кызматы эми бул маалыматын четке кагып: "Компания түзүлгөндөн бери авиация жана автоунаага керектүү күйүүчү майларды ташуу менен алектенген эмес. Салыктар күйүүчү май сатууга байланышпаган ишмердүүлүктүн эсебинен түшкөн кирешеден төлөнгөн", - деп билдирүүдө.

Мекеме тарабынан депутат Шыкмаматовго берилген жооп: