Алай районунун акими: "Мурдаш айылында 100гө жакын эшек багылып жатат деген маалымат чындыкка дал келбейт"

"Алай районунун Мурдаш айылында 100гө жакын эшек багылып жатат" деген маалымат чындыкка дал келбей турганын бүгүн, 5-октябрда SUPER.KG порталына Алай районунун акими Илияз Ташкулов билдирди.

"Айылда эшектер уурдалып, мыйзамсыз аракеттер болуп жатканы тууралуу маалымат райондук милиция кызматына да түшкөн эмес. Мындай маалымат бизде да жок. Эгерде андай аракеттер болсо, мыйзам чегинде чара көрүлөт. Буга чейин эшектерди "Эркеч-Там" чек ара бекети аркылуу мамлекеттен атайын мыйзамдаштырып Кытай өлкөсүнө өткөргөн факт катталганы боюнча уккам. Бирок биздин райондо эшек уурдалды деген арыз менен кайрылгандар болгон эмес", - деди Ташкулов.

Эске салсак, окурман 5-октябрда SUPER.KG порталына WhatsApp аркылуу "Алайда 100гө жакын эшек багылууда" деп билдирген.