Тышкы иштер министри иш сапары менен Кытайга учуп кетти

16-апрелде Тышкы иштер министри Эрлан Абдылдаев расмий иш сапары менен Кытай Эл Республикасынын Пекин шаарына учуп кетти.  Бул тууралуу министрликтин басма сөз кызматы билдирди. Иш сапардын алкагында Э.Абдылдаев  Кытайдын Тышкы иштер министри Ван И, ККП БКнын эл аралык бөлүм башчысынын орун басары Ван Цзяжуем жана ШКУнун башкы катчысы Д.Мезенцев жана башкалар менен жолугушат. Жолугушуунун жүрүшүндө тараптар кыргыз-кытай кызматташтыгынын абалы жана келечеги тууралуу маселелерди талкуулашат.