Ысык-Көл. Каракол шаарында шахмат боюнча облустун Биринчилиги өтөт

Ысык-Көл облусунун Каракол шаарында 18-21-апрель күндөрү ардагерлер жана жаштар арасында шахмат боюнча облустук Биринчилик өтөт. Бул тууралуу Каракол шаардык мэриясынан Жаштар жана спорт бөлүмүнүн жетекчиси Улан Кыдыров билдирди. Маалыматка таянсак, бул мелдеш К.Тыныстанов атындагы Ысык-Көл мамлекеттик университетинин ардактуу профессору жана шаардык ардагерлер кеңешинин мурдагы төрайымы, маркум Салима Орозбаеванын жаркын элесине арналып уюштурулууда.