ЭЛДИК ВИДЕО: Тойдо оюндан от чыкты

SUPER.KG порталынын "Элдик видео" бөлүмүнө "Оюндан от чыкты. Балдар кыздан өч алышты" деген аталыштагы видео жүктөлдү (ник: Cinderella).

Видеодо өлкөдөгү тойлордун биринде кызыктуу оюн болуп жатканы көрсөтүлөт. Оюндун эрежесине ылайык, эки топко бөлүнгөн жигиттер таттуу тортту батыраак жеп түгөтүшү керек. Тортту жегенге ылайыктап кармап берип турган кыз улам жигиттердин бетине таттууну жакын алып келип, бетине сыйпоого аракет кылат. Бир маалда бир жигит тамашага улай тамаша дедиби же кызды сынап көрүү үчүнбү, айтор, тортту кыздын бетине жаба салат. Кызыктын баары ошондо башталып, колундагы торт менен кыз жигитти көздөй бир урат...

Ал эми жогоруда аталган тойдо алып баруучулук кызматты аркалаган Назира Жетигенова окуя тууралуу буларды билдирди: "Оюнду той бүтөргө аз калганда ойнотчумун. Жигиттердин колу бекем байланып, кыздар алардын кийимдерин булгабай, акырын бетин торт менен сыйпашы керек. Жогорудагы видеодо бир жигиттин колу байланбай калса керек. Ал эми бети торт болгон кыз тойдун акырына чейин калбай таарынып кетип калыптыр, той ызы-чуусу жок эле соңуна чыкты. Ошол окуядан кийин бул оюнду ойнотпой калдым".

Видеону көрүү үчүн шилтеме.