Депутат Надира Нарматова бюджетти арак менен тамекиден түшкөн каражат менен толуктоого кызыкдар болбоого чакырды

"Бюджетти арактан жана тамекиден түшкөн каражат менен толтурууга кызыкдар болбой эле коюш керек". Мындай пикирин бүгүн, 17-апрелде ЖКнын жыйынында депутат Надира Нарматова билдирди. Анын айтымында, дүйнө жүзү боюнча аталган продукцияларга болгон акциздик салык Кыргызстанда гана төмөн. "Ошондой эле мен мектептерге 100 метр жакын жердеги дүкөндөрдө спирттик ичимдиктерди сатууга тыюу салган норманы жокко чыгарууга каршымын",- деди эл өкүлү.