Футбол боюнча Азия чемпиондугуна акыркы 12 жолдомону талашчу 24 команда белгилүү болду (тизме)

2019-жылы өтүүчү Азия чемпиондугуна жолдомо алуу үчүн ойной турган 24 команданын тизмеси белгилүү болду. Бул тууралуу Азиянын Футбол конфедерациясынан кабарлашты.

Маалыматка ылайык, Дүйнө чемпиондугунун тандоо туруна Азия чөлкөмү боюнча 39 команда катышкан. 8 тайпада алдынкы орунду ээлеген 8 команда жана мыкты жыйынтык менен 2-орунду ээлеген 4 команда Азия чемпиондугуна жолдомо алган (БАЭ (үй ээси), Австралия, Ирак, Иран, Катар, Кытай, Түштүк Корея, Сауд Арабия, Сирия, Таиланд, Өзбекстан, Япония). Эми дагы 12 жолдомо үчүн 24 команда 6 тайпага бөлүнүп, өз ара ойнойт. Жыйынтыгында тайпаларда алдынкы 2 орунду ээлеген командалар Азия чемпиондугуна жолдомо алышат.

Чүчү кулак качан ташталары белгисиз. Тизмедеги 24 команда менен таанышып коюңуздар: Иордания, Кыргыз Республикасы, Оман, Түркмөнстан, Палестина, Түндүк Корея, Филиппин, Бахрейн, Вьетнам, Гонконг, Ливан, Тажикстан, Йемен, Индия, Ооганстан, Мьянма, Сингапур, Малайзия, Кувейт, Мальдив аралдары, Камбоджа, Тайбэй, Гуам, Бутан.