Супер-Инфо
super.kg видео
Ош шаарынын борбордук көчөлөрүнө 500 даана таштанды челек орнотулууда
Ош шаарынын борбордук көчөлөрүнө 500 даана таштанды челек орнотулууда. Бул тууралуу бүгүн, 12-октябрда SUPER.KG порталына Ош шаардык "Тазалык" ишканасынын басма сөз кызматынан билдиришти.
Маалыматка ылайык, учурда таштанды челектер шаардын Курманжан датка, Ленин жана Масалиев борбордук көчөлөрүнө коюлууда.
"Шаардын тазалыгын арттыруу, жашоочуларга жагымдуу шарт түзүү максатында иш-аракеттер жүргүзүлүүдө. 2013-жылга салыштырмалуу "Ош-Тазалык" ишканасынын абоненттери 90 миңге көбөйдү. Мындан улам тазалыкты камсыздоо аракеттерин көрүп, борбордук көчөлөргө ар бир 50 метр аралыкка таштанды челек орнотуп жатабыз. Бул үчүн 387 123 сом каражат сарпталды", - деп билдирди басма сөз кызматы.
Эске салсак, Ош шаарында 260 миңден ашуун адам жашайт. Алардын ичинен таштанды үчүн төлөмдү 220 миң киши гана төлөйт. Бүгүнкү күндө жер үйдө жашагандар ай сайын таштанды үчүн киши башына 25 сом төлөсө, көп кабаттуу үйдө жашагандар айына 20 сомдон төлөшөт.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
0:26
2025-07-02
23:45
2025-07-01
22:42
2025-07-01
20:55
2025-07-01
17:57
2025-07-01
Рейтинг: 
0
0
мусулман киши эчкимди кемсинтпеш керек андан кору ошону динге чакырсаныз канча сооп туурабы