Кооптуу абал жаралган Кореядагы кыргыздарга ТИМ алдын ала кам көрүүдө

КРнын Тышкы иштер министрлиги Кыргызстандын Кореядагы элчилиги менен биргеликте Корея жарым аралындагы кырдаалга мониторинг жүргүзүп, ал жакта жашаган кыргызстандыктардын тизмесин тактады. ТИМдин маалыматына ылайык, учурда Кореяда кыргызстандык 2840 жаран бар. 6-апрель күнү элчиликтин кызматкерлери менен кыргыз диаспораларынын өкүлдөрү жолугушуп, кырдаал курчуп кетсе, жарандарга жардам берүү, аларды эвакуациялоо ыкмалары аныкталды. Ошондой эле элчиликте кабарлашып туруу үчүн он-лайн байланышы ачылды. Эске сала кетсек, учурда Түндүк Корея менен Түштүк Кореянын ортосунда согуш башталып кетүү коркунучу бар.