Бишкектеги кытайлык ишкерди карактап, 27 миң доллар акчасын алып кеткендер кармалышты

Бишкектеги Кытайдын жаранын карактап, 27 миң доллар акчасын алып кеткендер кармалышты. Бул тууралуу бүгүн, 13-октябрда Бишкек шаардык ички иштер башкы башкармалыгынан билдиришти.

Маалыматка караганда, окуя 5-октябрь күнү саат 13:30 чамасында Бишкектеги батирлердин биринде болгон. Анда белгисиз адамдар Д.Г. аттуу кытайлык ишкерди тапанча менен коркутуп, ага тиешелүү 27 миң доллар жана 150 сом акчасын алып кетишкен. Бул боюнча кылмыш иши козголуп, ыкчам иликтөө иштери жүргөн. Анын негизинде кылмышка шектүү катары 5 адам кармалган. Алар айдап жүргөн кара түстөгү БМВ Х5 үлгүсүндөгү унаанын ичинен тапанча жана аңчылык ок атуучу курал табылган. Учурда тергөө амалдары жүрүп жатат.