Чеченстандагы "Ахмат" клубу: "Чечендер жаш балдарга кол көтөрүшпөйт, Емельяненконун кызынын сабалганына биздин тиешебиз жок"

Чеченстандын президенти Рамзан Кадыровдун 10 жашка чыга элек балдары 8 бурчтукка чыгуусун шарттаган чеченстандык "Ахмат" клубу Фёдор Емельяненконун 16 жаштагы кызынын сабалганы боюнча билдирүү таратты. Маалыматта чеченстандыктар жаш балдарга кол көтөрүүдөн алыс болушары жазылган.

Кадыровдун 8, 9 жана 10 жаштагы уулдарынын катышуусундагы мелдешти орусиялык мушкер Фёдор Емельяненко катуу сынга алган. Айтылган сынга Чеченстандын президенти Рамзан Кадыров жана анын тарапташтары социалдык тармактарда жооп кайтарышкан. Анын кызынын сабалышы ушул окуяга байланыштуу болушу мүмкүн экени божомолдонгон.

Маалыматта: "Муну чечендердин бири кылды деген ойдон алыспыз. Уруш токтотулган. Кырдаалды күчөтүүнү каалаган күчтөр жасаган болушу мүмкүн. Чеченстандыктар эч качан жаш балдарга кол көтөрүшпөйт", - деп жазылган.