Бишкекте тоноочулукка шектелип 18 жана 19 жаштагы эки шаар тургуну кармалды

Борбор калаада тоноочулукка шектелип 18 жана 19 жаштагы эки шаар тургуну кармалды. Бул тууралуу бүгүн, 13-октябрда Ички иштер министрлигинен билдиришти.

Маалыматка ылайык, милицияга арыз менен 26 жаштагы Э.М. аттуу шаар тургуну кайрылган. Анда ал 4-кичи райондон белгисиз жарандар күч колдонуу мунун чөнтөгүндөгү 1000 сом акчасын жана уюлдук телефонун тартып алганын билдирген. Жүргүзүлгөн иликтөө иштеринин алкагында кылмышка шектүү катары 19 жаштагы Т.Т. жана 18 жаштагы К. Т. аттуу шаар тургундары кармалган. Учурда иликтөө иштери жүрүүдө.