Кант диабетин дарылоого багытталган дарыларды мыйзам чегинде мамлекет тарабынан сатып алууга шарт түзүлүүдө

Бүгүн, 17-апрелде ЖКнын жыйынында “Мамлекеттик сатып алуулар жөнүндө” мыйзамга толуктоолорду киргизүү тууралуу” мыйзам долбоору үчүнчү окууда каралды. ЖКнын басма сөз кызматы билдиргендей, мыйзам долбоору дарылануучулардын укугун коргоп, кант диабетин дарылоого багытталган дары-дармектерди мыйзам чегинде мамлекет тарабынан сатып алууга жана инсулиндин ар бир адамга жагымдуулугун эсепке алуу менен, тендердик комиссиянын мүчөлөрүн мыйзам чегинде коргоого алып, чечим кабыл алуусуна шарт түзүү максатында иштелип чыккан. Жыйынтыгында мыйзам долбоору 3-окууда добуш берүүгө жолдонду.