ЖЫЛНААМА, 15-ОКТЯБРЬ: 102 жыл мурун тарыхчы Бегимаалы Жамгырчинов туулган

1914-жылы 15-октябрда кыргыз элинин чыгаан тарыхчысы, кыргыздан чыккан тарых илиминин алгачкы кандидаты, алгачкы доктору (1950), профессор (1951), Кыргыз илимдер академиясынын биринчи тарыхчы-академиги (1954) Бегимаалы Жамгырчинов Чүй өрөөнүндөгү азыркы Сокулук районуна (мурдагы Кызыл-Аскер районуна) караштуу Күн-Туу айылында туулган.

Бегимаалы Жамгырчинов 1936-жылы Кыргыз мамлекеттик педагогикалык институтун бүтүргөндөн кийин ошол эле институтта окутуучу болуп иштеген.

1943-1950-жылдары СССР ИАнын Кыргыз филиалында улук илимий кызматкер;

1950-1951-жылдары ошол эле филиалдын Тарых, тил жана адабият институтунда директор;

1951-1954-жылдары КМУнун ректору;

1954-1955-жылдары Кыргызстан ИАнын коомдук илимдер бөлүмүнүн академик-катчысы;

1965-1976-жылдары вице-президент;

1976-1982-жылдары Тарых институтунда сектор жана бөлүм башчы болуп эмгектенген.

Бегимаалы Жамгырчинов 1982-жылы 31-октябрда Бишкектен каза болгон.

15-октябрдын жылнаамасы.