"Бишкектеги үйлөрдүн биринен ири суммадагы акчаны уурдап кеткен" деген шек менен 28 жаштагы жаран кармалды

"Борбор калаадагы үйлөрдүн биринен ири суммадагы акчаны уурдап кеткен" деген шек менен 28 жаштагы жаран кармалды. Бул тууралуу бүгүн, 17-октябрда Ички иштер министрлигинен билдиришти.

Маалыматка ылайык, 9-апрель күнү 1985-жылы туулган Б.Д. аттуу жарандын үйүнө белгисиз жарандар кирип, сейфтен 905 миң рубль, 60 миң сом, 2 миң доллар жана 11 миң сомдук фотоаппаратын алып кетишкен. Келтирилген чыгымдын жалпы суммасы 1 миллион 300 миң сомду түзгөн. Жүргүзүлгөн иликтөө иштеринин алкагында кылмышка шектүү катары 1988-жылы туулган Б.Ю. аттуу Чүй облусунун тургуну кармалган. Учурда кылмышка шектүүнүн башка кылмыштарга катыштыгы бар же жоктугу текшерилип, тергөө амалдары жүрүүдө.