Гүлбара Калиева: "Жашы жете элек өспүрүмдөрдүн никеге туруусуна кээде ата-энелер өздөрү жол берүүдө"

Бүгүн, 17-апрелде Жогорку Соттун төрайымынын орун басары Гүлбара Калиева менен БУУнун Балдарды сатуу, өспүрүмдөрдүн сойкулугу жана адепсиздиги боюнча атайын баяндамачысы Нажат М’жид Маланын жолугушуусу болду. Жолугушуунун жүрүшүндө тараптар балдардын сатылышы, жашы жете электердин сойкулугу, адепсиздик жана эл аралык бала асырап алуу маселелери тууралуу сөз болду. Калиева балдардын кылмыштуулугу көп учурда жашыруун бойдон калып жатканын айтып, "кээде жашы жете элек өспүрүмдөрдүн никеге туруусуна ата-энелер өздөрү жол берип жатышат” деди. Мындан сырткары миграция маселеси да талкууланды. Жыйынтыгында Нажат М’жид Мала бардык зарыл болгон маалымат алмашууга көмөктөшкөнү үчүн Жогорку Соттун жетекчилигине ыраазычылык билдирди.