"Кадрлар карьераны эмес, элдин жоопкерчилигин алдынкы орунга коюшу керек" деди Жантөрө Сатыбалдиев

“Кандай гана мекеме болбосун, кадр маселесине олуттуу карашыбыз керек. Жөнөкөй ишкерден тартып мамлекеттик жогорку кызматта иштегендерге чейин билимдүү жана карьера же кызматтык тажрыйба үчүн эмес, эл үчүн жоопкерчиликтүү болууга тийиш. Элдин жоопкерчилиги алдынкы орунда турушу кажет”. Бул сөздү өкмөт башчы Жантөрө Сатыбалдиев Нарын облусундагы иш сапарынын алкагында Ак-Талаа районунун тургундары менен болгон жолугушууда айтты. Премьер-министр жергиликтүү калктын көптөгөн суроолоруна жооп берип, 2012-жылдын өлкөдөгү социалдык-экономикалык өнүктүрүүдөгү жыйынтыктары тууралуу маалымат берди. Ошондой эле Ак-Талаа районунун акими Сейтек Кулубаевдин кызматтан эмне себептен бошотулгандыгы тууралуу да айтты өкмөт башчы.