Борбор шаардагы эстеликтердин айланасын тазалоо иштери башталды

Жаздын келиши менен Бишкек шаардык мэриясынын “Тазалык” муниципалдык ишканасы эстеликтердин айланасын тазалап, көрктөндүрүү иштерин баштады. Аталган ишкананын карамагына борбор шаардагы 44 эстелик кирет. Азыркы учурда "Жеңиш" аянтындагы “Өчпөс оттун” айланасы иреттелүүдө. Мындан тышкары Жаштар аллеясындагы эстеликтер, И.Панфиловдун монументи, "Ататүрк" сейил багындагы жоокерлердин эстеликтери тазаланып, көрктөндүрүү иштери жүрүп жатат.