Жергиликтүү кеңештерге шайлоо өткөрүү боюнча республикалык штабдын биринчи жыйыны өттү

Өкмөттө 21-октябрда жергиликтүү кеңештерге шайлоо өткөрүү боюнча республикалык штабдын биринчи жыйыны өттү. Штабдын төрагасы болуп биринчи вице-премьер-министр Мухаммедкалый Абылгазиев, анын орун басарлыгына Борбордук шайлоо комиссиясынын төрайымы Нуржан Шайлдабекова жана Мамлекеттик каттоо кызматынын төрагасы Тайырбек Сарпашев дайындалды.

Маалыматка таянсак, 2016-жылдын 11-декабрында 397 айылдык жана 22 шаардык кеңеште шайлоо болот. Сарпашевдин айтымында, шайлоочулардын тизмесин тактоо жана каттоо иштери жүрүп жатат. Алдыдагы шайлоодо ID-карта жана андагы көрсөтүлгөн дарек боюнча гана шайлоого болору маалымдалды.

Жыйын соңунда мамлекеттик органдардын жетекчилерине жана өкмөттүн облустардагы ыйгарым укуктуу өкүлдөрүнө бир катар тапшырмалар берилди.