Бакыт Төрөбаев Конституцияны өзгөртүүнү колдоодон эмне үчүн баш тартканын айтты

Парламенттеги "Өнүгүү-Прогресс" фракциясынын лидери Бакыт Төрөбаев Конституцияны өзгөртүүнү колдоодон эмне үчүн баш тартканын айтты. Жогорку Кеңештин 26-октябрдагы жыйынында көпчүлүк коалициянын тараганы расмий жарыялангандан кийин Төрөбаев бийликтин Конституция боюнча аракетин сындады.

"Конституцияны өзгөртүү демилгеси көтөрүлгөндө "Өнүгүү-Прогресс" фракциясы 15 беренеге сунуш берген. Эки жолу бердик. Эки жолу фракциянын жыйынын өткөрдүк, президенттик аппараттын өкүлү Анарбек Исмаилов келген жок. Ошондо биз түшүндүк, биздин оюбуздун, тилегибиздин эч кимге кереги жок экен", - деди Төрөбаев.