Ак үйдүн алдында ВИЧ илдетине чалдыккан балдардын энелеринин митинги уланууда

Жогорку Кеңештин имаратынын алдында Ош шаарынан келген энелер митингин улантышууда. Балдарына бир топ жыл мурун дарыгерлердин шалаакылыгы менен ВИЧ илдети жугуп, тиешелүү жардамдар болбой жатканын айтышат нааразы болгон энелер. Алар 6-ноябрдан бери митингге чыгууда, бирок эки гана депутат чыгып, алардын ал-абалын сураган. Алардын талабы - балдарга берилүүчү жөлөк пулду көтөрүп берүү жана балдардын укугунун тебеленишине жол бербөө.