Алмазбек Атамбаев: "Кыргызстандын өнүгүүсүнө мүмкүнчүлүктөр көп"

Бүгүн, 19-апрелде президент Алмазбек Атамбаевдин Ысык-Көл облусуна болгон иш сапары уланууда.

Чолпон-Ата шаарындагы №2-мамлекеттик резиденцияда облустун активдери менен жолугушуу өткөрдү. Жолугушууга жергиликтүү бийликтин өкүлдөрү, жергиликтүү кеңештин депутаттары, жаштар уюмдарынын мүчөлөрү жана облус аймагындагы аксакалдар катышып, президенттин пикирин угушту жана суроолорго жооп алышты. Өлкө башчы Кыргызстандын өнүгүүсүнүн багыттары тууралуу сөз сүйлөп, мамлекеттин гүлдөп-өсүшү үчүн туруктуулук маанилүү экендигин баса белгиледи. "Кыргызстандын өнүгүүсүнө чоң-чоң мүмкүнчүлүктөр бар",- деп кошумчалады президент.